May 22, 2018

សមាជិក​សភា​អាមេរិក ​ធ្វើ​ច្បាប់​បង្កក​ទ្រព្យសម្បត្តិ​​មន្ត្រី​ជាន់ខ្ពស់ ​តែ​បក្ស​កាន់​អំណាច​ថា​ជា​ការ​ជ្រៀតជ្រែក

លោក ​Alan Lowenthal ​សមាជិក​សភា​អាមេរិក និង​លោក​ សម រង្ស៊ី​។ រូបថត ហ្វេសប៊ុក

បែន សុខហ៊ាន |  ភ្នំពេញ ប៉ុស្ដិ៍ Publication date 21 May 2018 | 10:00 ICT

ភ្នំពេញៈ ក្រុម​សមាជិកសភា​សហរដ្ឋ-អាមេរិក​បាន​ធ្វើ​ច្បាប់​មួយ​កាលពី​សប្តាហ៍​មុន ដើម្បី​ដាក់​ទណ្ឌកម្ម​ក្នុង​ការបង្កក​ទ្រព្យសម្បត្តិ​របស់​មន្ត្រី​ជាន់​ខ្ពស់ រដ្ឋាភិបាល​ដោយ​ថា​កម្ពុជា​ក្រោម​ការដឹកនាំ​របស់​លោក ហ៊ុន សែន សិទ្ធិ​មនុស្ស​ត្រូវ​បាន​រំលោភ និង​ធ្វើឲ្យ​លទ្ធិប្រជាធិបតេយ្យ​ដើរ​ថយក្រោយ តាមរយៈ​ការរំលាយ​បក្ស​ប្រឆាំង​ដ៏ធំ និង​បង្ក្រាប​ទៅ​លើ​ប្រព័ន្ធ​ផ្សព្វផ្សាយ​ឯករាជ្យ ប៉ុន្តែ​បក្ស​កាន់​អំណាច​ថា នេះ​ជា​ការ​ជ្រៀតជ្រែក​ផ្ទៃក្នុង​កម្ពុជា​។

សេចក្ដី​ព្រាង​ច្បាប់​លេខ H.R. ៥៧៥៤ នេះ​បាន​ធ្វើ​សវនាការ​កាលពី​ថ្ងៃ​ព្រហស្បតិ៍​សប្ដាហ៍​មុន ដើម្បី​រក​វិធី​ក្នុង​ការ​បង្កក​ទ្រព្យសម្បត្តិ​ហាមឃាត់​ការទិញ​លក់​អចលនទ្រព្យ​ការ​រឹតបន្តឹង​ទិដ្ឋាការ​ប្រឆាំង​មន្ត្រី​ជាន់ខ្ពស់​ក្នុង​ជួរ​រាជរដ្ឋាភិបាល​លោក​នាយក​រដ្ឋមន្ត្រី​ ហ៊ុន សែន មន្ត្រី​យោធា​ ឬ​កងកម្លាំង​សន្តិសុខ​ដែល​ធ្វើឲ្យ​ថមថយ​លទ្ធិប្រជាធិបតេយ្យ និង​ការរំលោភបំពាន​សិទ្ធិមនុស្ស​នៅ​កម្ពុជា​។

តំណាងរាស្ត្រ​អាមេរិក​អះអាង​ថា​ទណ្ឌកម្ម​នឹង​ត្រូវ​បាន​ព្យួរ​លុះត្រា​តែ​ប្រទេស​កម្ពុជា​កែប្រែ​ ៣ ​ចំណុច គឺ ១. បញ្ចប់​ការខិតខំ​របស់​រដ្ឋាភិបាល​ក្នុង​ការ​ធ្វើឲ្យ​ថមថយ​នូវ​លទ្ធិប្រជាធិបតេយ្យ ២. បញ្ចប់​ការរំលោភបំពាន​លើ​សិទ្ធិមនុស្ស ៣. អនុវត្ត​ការបោះឆ្នោត​ដោយ​ត្រឹមត្រូវ និង​យុត្តិធម៌​ដែល​អនុញ្ញាត​ឲ្យ​មាន​ការ​ចូលរួម​ពី​គណបក្ស​ប្រឆាំង​ជាដើម​។

លោក​ Alan Lowenthal សមាជិក​សភា​មកពី​គណបក្ស​ប្រជាធិបតេយ្យ​ថ្លែង​នៅក្នុង​សេចក្ដី​ថ្លែងការណ៍​របស់​ខ្លួន​ថា​៖ «​មិត្ត​រួម​ការងារ​របស់​ខ្ញុំ និង​ខ្ញុំ​បាន​ព្រមាន​រដ្ឋាភិបាល​លោក​ ហ៊ុន សែន ​ម្តង​ហើយ​ម្តង​ទៀត​ថា​រដ្ឋាភិបាល​នេះ​ត្រូវ​តែ​គោរព​តាម​កិច្ចព្រមព្រៀង​ដែល​ខ្លួន​បាន​ចុះ​ហត្ថលេខា​ថា​ធ្វើការ​បោះឆ្នោត​ប្រជាធិបតេយ្យ​នៅ​កម្ពុជា​។ ក៏​ប៉ុន្តែ​ក្នុង​រយៈពេល ៣០ ឆ្នាំ​កន្លង​ទៅ​លោក​ ហ៊ុន សែន បាន​ព្រងើយ​នឹង​វា​ហើយ​ធ្វើ​ជា​ឃើញ​ថា​រដ្ឋាភិបាល​របស់​លោក​រៀបចំ​ការបោះឆ្នោត​ដោយ​ត្រឹមត្រូវ និង​យុត្តិធម៌​នៅ​ឆ្នាំ​នេះ​»​។

លោក​បាន​បន្ត​ថា​៖ «​របប​នេះ​បាន​គំរាម​កំហែង​វាយប្រហារ​ដាក់គុក និង​ហាមឃាត់​ទាំង​ស្រុង​នូវ​គណបក្ស​នយោបាយ​ប្រឆាំង​ដែល​ធំ​ជាង​គេ​របស់​ប្រជាជាតិ​។ របប​នេះ​បាន​បំផ្លាញ​សារព័ត៌មាន​ដែល​សេរី និង​ឯករាជ្យ​នៅក្នុង​ប្រទេស បិទ​អង្គការ​ក្រៅ​រដ្ឋាភិបាល និង​អង្គការ​អន្តរជាតិ និង​ប្រើប្រាស់​ប្រព័ន្ធ​តុលាការ​របស់​ជាតិ​ឲ្យ​អនុវត្ត​ទង្វើ​ស្មោកគ្រោក​របស់​ខ្លួន​។ ដល់​ពេល​ដែល​លោក​ ហ៊ុន សែន ត្រូវ​ទូទាត់​សង​វិញ​សម្រាប់​ការខិតខំ​ប្រឹងប្រែង​របស់​លោក​ដើម្បី​បំផ្លាញ​លទ្ធិប្រជាធិបតេយ្យ​ដែល​កំពុង​តែ​ចេញ​ផ្កា​នៅ​ប្រទេស​កម្ពុជា​»​។

ជាមួយ​គ្នា​នេះ​លោក​ Ted Yoho សមាជិក​សភា​មកពី​គណបក្ស​សាធារណរដ្ឋ និង​ជា​ប្រធាន​អនុគណៈកម្មាធិការ​កិច្ចការបរទេស​ទទួល​បន្ទុក​កិច្ចការ​តំបន់​អាស៊ី និង​ប៉ាស៊ីហ្វិក​អះអាង​កាលពី​សប្តាហ៍​មុន​ថា​វិធានការ​ទាំងនេះ​នឹង​ជួយ​ប្រជាជន​កម្ពុជា​ស្វែងរក​ប្រជាធិបតេយ្យ​តាមរយៈ​ការធ្វើឲ្យ​បង់ខាត​ទៅ​លើ​អំណាច​ប្រមូលផ្តុំ​របស់​លោក​ ហ៊ុន សែន​។

លោក​ ផៃ ស៊ីផាន អ្នក​នាំពាក្យ​ទីស្ដីការ​គណៈរដ្ឋមន្ត្រី​ថ្លែង​កាលពី​ម្សិលមិញ​ថា​ការខិតខំ​ប្រឹង​របស់​សមាជិក​សភា​សហរដ្ឋ​អាមេរិក​ក្នុង​ការធ្វើ​ច្បាប់​ដើម្បី​ដាក់​ទណ្ឌកម្ម​លើ​មន្ត្រី​រាជរដ្ឋាភិបាល​កម្ពុជា​នេះ​ជា​ការ​ជ្រៀតជ្រែក​ចូល​កិច្ចការ​ផ្ទៃក្នុង​របស់​កម្ពុជា និង​ធ្វើឲ្យ​ល្អក់កករ​ដល់​ទំនាក់ទំនង​ប្រទេស​ទាំង​ ២​។

លោក​ថ្លែង​ថា​៖ «​វា​ជា​ការ​ប្រឹងប្រែង​មួយ​ដើម្បី​ធ្វើឲ្យ​ល្អក់កករ​ដល់​ចំណង​មេត្រីភាព និង​កិច្ចសហប្រតិបតិ្តការ​រវាង​កម្ពុជា និង​សហរដ្ឋអាមេរិក​តែ​ប៉ុណ្ណោះ​»​។

លោក​បន្ត​ថា​៖ «​សួរថា​សម្ពាធ​ហ្នឹង​មាន​សម្ពាធ​មកលើ​រាជរដ្ឋាភិបាល​កម្ពុជា​ទេ​មកលើ​ប្រជាពលរដ្ឋ​កម្ពុជា​ទេ​? ចម្លើយ​របស់​ខ្ញុំ​គឺថា​អត់​មាន​ទេ​។ អត់​មាន​ឥទ្ធិពល និង​ប្រសិទ្ធភាព​ទេ​ពីព្រោះ​យើង​ឃើញ​ច្បាប់​មួយ​ចំនួន​ដែល​ជា​ឆន្ទៈ​នយោបាយ​របស់​ក្រុម​តំណាងរាស្ត្រ​ទាំងនោះ​មិនមែន​ជា​ការសម្ដែង​នូវ​សិទ្ធិ​ផលប្រយោជន៍​សហរដ្ឋ​អាមេរិក​ទេ គ្រាន់តែ​បង្កើត​ខ្មាំង​ជាមួយ​ប្រទេស​ដទៃ​»​។

លោក​ សុខ ឥសាន អ្នក​នាំពាក្យ​គណបក្ស​ប្រជាជន​កម្ពុជា​សរសេរ​តាម​ប្រព័ន្ធ​ទំនាក់ទំនង​សង្គម​តេលេក្រាម​របស់​លោក​ថា ការ​ធ្វើ​ច្បាប់​នេះ​វា​គ្រាន់​តែ​ជា​ការ​បង្ហាញ​កាន់តែ​ច្បាស់​នូវ​ការ​កាន់ជើង​អាយ៉ង​របស់​ខ្លួន​ដែល​ប្រព្រឹត្ត​ល្មើសច្បាប់ និង​ជា​ទង្វើ​រំលោភ​អធិបតេយ្យ​កម្ពុជា​ដែល​មិន​អាច​លាក់បាំង​បាន​ឡើយ​។

លោក​ថ្លែង​ថា​៖ «​ដូច្នេះ​ការអនុម័ត​ច្បាប់​ដែល​ចង់​ដាក់​បន្ទុក​មក​លើ​រាជរដ្ឋាភិបាល​កម្ពុជា និង​ប្រជាជន​កម្ពុជា​នឹង​មិន​អាច​ចេញ​ជា​លទ្ធផល​ឡើយ​។ ពួក​មេខ្លោង​ និង​ពួក​អាយ៉ង​ដែល​ធ្វើ​បដិវត្តន៍​ពណ៌​ហើយ​ត្រូវ​បរាជ័យ​នៅ​កម្ពុជា​ទេ​ដែល​ជា​អ្នក​ចង់​បំផ្លាញ​លទ្ធិប្រជាធិបតេយ្យ​នៅ​កម្ពុជា​នោះ​ហើយ​អាយ៉ង​ដែល​ជា​អ្នក​អនុវត្ត​ផែនការ​នេះ​ត្រូវ​តែ​ទទួល​ខុសត្រូវ​ចំពោះ​មុខ​ច្បាប់​កម្ពុជា​»​។

ប៉ុន្តែ​លោក​ អ៊ូ ច័ន្ទរ័ត្ន អតីត​តំណាងរាស្ត្រ​នៃ​អតីត​បក្ស​សង្គ្រោះ​ជាតិ​ថ្លែង​ថា​ច្បាប់​ថ្មី​នេះ​វា​មិន​ប៉ះពាល់​ដល់​ជនក្រីក្រ​ និង​ប្រជាពលរដ្ឋ​ជាទូទៅ​នោះ​ឡើយ​។

លោក​បាន​ថ្លែង​ថា​៖ ​«​ខ្ញុំ​សូម​ស្វាគមន៍​ការខិតខំ​ប្រឹងប្រែង​របស់​រដ្ឋសភា និង​ព្រឹទ្ធសភា​សហរដ្ឋអាមេរិក​ក្នុង​ការ​ស្តារ​ឡើងវិញ​នូវ​លទ្ធិប្រជាធិបតេយ្យ​នៅ​កម្ពុជា​។ សេចក្តី​សម្រេច​ស្តីពី​ប្រជាធិបតេយ្យ​នៅ​កម្ពុជា​នឹង​ជា​ការ​ដាក់​សម្ពាធ​ដ៏មាន​ប្រសិទ្ធភាព​មួយ​ទៅ​លើ​មន្ត្រី​ជាន់​ខ្ពស់​នៃ​រដ្ឋាភិបាល​កម្ពុជា​។ ខ្ញុំ​នៅ​តែ​ចង់​បាន​ការពិភាក្សា​គ្នា​រវាង​ថ្នាក់ដឹកនាំ​កម្ពុជា​ដើម្បី​រក​ដំណោះស្រាយ​នយោបាយ​»​។

អ្នក​វិភាគ​នយោបាយ​លោក​បណ្ឌិត ឡៅ ម៉ុងហៃ ​ថ្លែង​ថា​ពួកគេ​នឹង​អាម៉ាស់ មិន​ត្រូវ​បាន​អើពើ និង​ហាមប្រាម​មិន​ឲ្យ​ចូល​ទៅ​ក្នុង​ប្រទេស​អាមេរិក និង​ត្រូវ​បាន​ដាក់​កំហិត​ចំពោះ​ការធ្វើ​ដំណើរ​របស់​ពួកគេ​នៅក្នុង​ប្រទេស​អាមេរិក​នៅ​ពេល​ពួកគេ​ចូលរួម​កម្មវិធី​អន្តរជាតិ​ដូចជា​កម្មវិធី​របស់​អង្គការ​សហប្រជាជាតិ ធនាគារ​ពិភពលោក និង​កិច្ចប្រជុំ​របស់​មូលនិធិ​រូបិយវត្ថុ​អន្តរជាតិ​ (IMF) ​ដែល​ប្រារព្ធ​ធ្វើ​នៅ​ទី​នោះ​ជាដើម​៕

មិន​អាច​ធ្វើ​ប្រតិបត្តិការ​ហិរញ្ញវត្ថុ​ណា​មួយ​តាមរយៈ​អាមេរិក​ និង​ស្ថាប័ន​ហិរញ្ញវត្ថុ​ និង​ធនាគារ​ដែល​មាន​ទំនាក់ទំនង​ជាមួយ​ជាមួយ​អាមេរិក​។ PS

2 comments:

Kim Ea said...

This current administration establishment broke the laws and completely used draconian strategy to Kidnapping Khmer democracy and imprisoned their political party without any proof of crimes . It was a serious violation of international laws and the norm of civilized society . They do everything they possible even unlawful to protect their clandestine interest and power. Where the are the King ? What he's doing ?in prison palace ? Did he ever see Khmer tear, disarray society ? Vietnam very cleaver to save this royal family , put fake posture for all Khmer fanatic people to believe that his communist ruling party still embrace King as their leader. But in reality this King and family did not do what so ever taking care their people or nation . He just be a loving clown wait to approve ,sign any request document his installing puppet request him to do officially, even he agreed or not.Khmer nation are so pathetic and irrelevant to have a supreme leader as foreign clown like this one .Why Khmer can not solve any squeamish or troubling in their derange nation . Vietnam kidnapped this Khmer supreme power or king in a purpose to put pressure and enforce their meddling affair move forward successfully in Khmer politic . This nation can't solve what so ever exist problem in their own hand . Why Khmer must stand up deliberate this clawn king out of Yuan communist grip or eliminate his position out one for all if you want to have a solvency solution . It is not because of Chinese meddling or American intervention , it because Khmer don't have a patriotic leadership to quell animosity in their differentiation . All of us hope the King can solve our problem ,instead King put himself be Clown of foreign intervention but not interesting to defend Khmer interest at all . Then the rotting Khmer affair delving into this nation and deprive our stable nation to the brink of another civil war, Khmer of to day lives under the shadow of foreign meddling ,want or not like it or not it must be detriment to that fashion .

KhmerBTB said...

Late last year Hun Sen encouraged the US to do it and he said he doesn't have any money outside the country but now his clowns blame the US for interfering. He thought he got China on his side and they will back him up but in this case even father of China still can't help him.