October 12, 2017

បក្ស​កាន់អំណាច​ថា​ខ្លួន​មិន​បាន​ធានា​ជាមួយ​ទូត​ណា​ថា​មិន​រំលាយ​បក្ស​ប្រឆាំង​ទេ

​កាសែត​ក្រោយ​បញ្ចប់​កិច្ច​ពិភាក្សា​លើ​សំណូមពរ​របស់​សហជីព​ទាក់ទង​នឹង​សេចក្ដី​ព្រាង​ច្បាប់​សហជីព នៅ​ថ្ងៃ​ទី​១៩ មករា ឆ្នាំ​២០១៦។
អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន (ឆ្វេង) និង​ប្រធាន​ក្រុម​ការងារ​គណៈកម្មការ​ចំពោះ​កិច្ច​ពី​ខាង​គណបក្ស​សង្គ្រោះ​ជាតិ លោក សុន ឆ័យ ថ្លែង​ក្នុង​សន្និសីទ​កាសែត​ក្រោយ​បញ្ចប់​កិច្ច​ពិភាក្សា​លើ​សំណូមពរ​របស់​សហជីព​ទាក់ទង​នឹង​សេចក្ដី​ព្រាង​ច្បាប់​សហជីព នៅ​ថ្ងៃ​ទី​១៩ មករា ឆ្នាំ​២០១៦។ RFA/Leng Maly

ដោយ អាស៊ីសេរី RFA 2017-10-12

អ្នកនាំពាក្យ​របស់​គណបក្ស​ប្រជាជន​កម្ពុជា លោក សុខ ឥសាន បាន​ទាត់ចោល​ការ​លើកឡើង​របស់​ប្រធាន​ក្រុម​តំណាងរាស្ត្រ​គណបក្សប្រឆាំង លោក សុន ឆ័យ ដែល​ប្រាប់​ក្រុម​អ្នកសារព័ត៌មាន ថា គណបក្ស​ប្រជាជន​កម្ពុជា បាន​ធានា​ជាមួយ​មន្ត្រី​ស្ថានទូត ដោយ​មិន​រំលាយ គណបក្ស​សង្គ្រោះ​ជាតិ។

លោក សុខ ឥសាន បាន​ប្រាប់​វិទ្យុ​បាយ័ន​ដែល​ស្និត​នឹង​រដ្ឋាភិបាល ថា គណបក្ស​ប្រជាជន​កម្ពុជា មានតែ​ជំរុញ​ឲ្យ​រំលាយ​បក្ស​ប្រឆាំង។

លោក សុន ឆ័យ កាលពី​ព្រឹក​ថ្ងៃ​ទី​១០ តុលា បាន​ប្រាប់​ក្រុម​អ្នកសារព័ត៌មាន​ថា មន្ត្រី​ស្ថានទូត បាន​ឲ្យ​ដឹង​ថា គណបក្ស​ប្រជាជន​កម្ពុជា បាន​ធានា​ជាមួយ​ស្ថានទូត ថា នឹង​មិន​រំលាយ​គណបក្សប្រឆាំង​នោះ​ទេ។ ប៉ុន្តែ​លោក​មិន​ប្រាប់​ពី​ទូត​ប្រទេស​ណា​មួយ​នោះ​ទេ។ ទន្ទឹម​នឹង​ការ​មិន​រំលាយ​នេះ លោក សុន ឆ័យ ប្រាប់​ថា គណបក្សប្រឆាំង​កំពុង​ព្យាយាម​ចរចា​ដើម្បី​បន្ថយ​កម្ដៅ​នយោបាយ​នៅ​កម្ពុជា។

អ្នកវិភាគ និង​អ្នកនយោបាយ​ព្រួយបារម្ភ​ថា ក្រោយ​មានការ​រំលាយ​គណបក្ស​ប្រឆាំង​នៅ​កម្ពុជា ពលរដ្ឋ​ខ្មែរ​នឹង​បែកបាក់ ហើយ​រាស្ត្រ​ខ្មែរ​នឹង​មិន​សុខចិត្ត​នោះ​ទេ ខណៈ​ដែល​កម្ពុជា​អាច​នឹង​ប្រឈម​ការ​ផ្ដាច់​ជំនួយ និង​ការ​ដាក់​ទណ្ឌកម្ម​ពី​អន្តរជាតិ។
បើ​ទោះ​ជា​បែបនេះ​ក្ដី អ្នកនយោបាយ​ខាង​គណបក្ស​កាន់អំណាច​វិញ ហាក់​មិនសូវ​ខ្វល់ និង​ផ្គើន​ការ​គំរាម​នេះ ហើយ​មាន​គម្រោង​យក​តំណែង​ទាំងអស់​របស់​បក្ស​ប្រឆាំង ទៅ​ចែក​ឲ្យ​គណបក្ស​ផ្សេង ដែល​ពលរដ្ឋ​ខ្មែរ​មិន​ពេញចិត្ត តាមរយៈ​ការ​ធ្វើ​វិសោធនកម្ម​ច្បាប់​មួយ​ចំនួន នៅ​ថ្ងៃ​ទី​១២ តុលា៕

3 comments:

Chanpho Ieng said...

CPP is right. The plan to disssolve CNRP are from FUNCIPEC and Youth movement party filing the petition and Supreme court's decision. Interior ministry and its team of lawyers just follow the plaintiff's complaint.

O_O said...

IF YOU DO NOT TALKING, I DON'T KNOW STUPID OR DAMP!

Bong Song said...

If the ruling party is truely Cambodian People Party. They shouldn't oppress Khmer.